حوار بين ابليس وشاب من بلدنا

** على باب السفارة **


..لمحت ابليس و ف ايده استمارة

..بقول له على فين

..قاللي بص

..يا هجرة يا اعارة

..يا عم زهقت كفرت

..الاقيش معاك سيجارة


..انا انتهيت خلاص


..لا نافع وسواس ولا خناس

..ولا ليا عيش وسط الناس

دي عالم مجرمين

..عندكوا فائض ف الفساد

..في كل البلاد

..ومش محتاجين شياطين


..مليش عيش ف البلد دي

....بقالي سنين عاطل

...و انتوا بتعرفوا

..تقلبوا الحق باطل

..و تسلكوا القاتل

..و تمشوا ف جنازة المقتول

..ومفيش مشاكل

..يا عم ده انا بقيت أوسوس بالمقلوب

...و أقول للحرامي كفاية بقى توب

..انت هاتعمل كل الذنوب لوحدك

...و أنا ابليس

أشتغل واعظ

..ولا كمساري ف اتوبيس

..يا عم ده انا زمان

..كنت استنى حد ينسى يسمى


..وهو بياكل لقمته

..دلوقتي كل اكلكم ملوث


..و بصراحه الواحد خايف على صحته

...ده مفيش ضمير اساسا

..عشان اموته

..و كل واحد بمزاجه

..خربانه ذمته

...يا عم ده كل حاجة اتسرقت

..وكده الاجيال الجديدة

..م الحراميه اتظلمت

.يا راجل ده من كتر ما لطشت معايا

..خرجت ف مظاهرة

..مع الناس اللي بتقول كفاية

..و برضه مفيش فايدة



** بقول لهم

مين اللي بيعيط بحرقة دة؟

قالوا لي

مواطن اتصور وهو بينضرب

قلت لهم

ومين الأمور اللي بيضحك دة؟

قالوا لي

دة واحد عمل شوية كوارث وهرب

قلت لهم

والدنيا عتمة هناك كدة ليه؟

قالوا لي

دي حتة جديدة بتتخرب

قلت لهم

ومين الحاوي اللي بيتكلم دة؟

قالوا لي دة الوضع بيتقلب

وايه الهيصة اللي في الساحل الشمالي دي؟

قالوا لي

دي البقرة بتتحلب

قلت لهم وانتوا قلقلين كدة ليه؟
قالوا لي اصل بنلاعب الكاميرون

وخايفين نتغلب